BASTAUMEDIA

Шығыс Қазақстан облысында қар көшкіні қаупіне байланысты жолдардың бірі жабылды, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

22 қаңтар сағат 15.00-ден бастап 23 ақпан сағат 08.00-ге дейін Катонқарағай ауданындағы жергілікті маңызы бар «Согорное-Барлық» тасжолының 1-25 шақырымында автокөліктің барлық түрі үшін қозғалыс тоқтады. Бұл жол бүгін таңертең ғана ашылған болатын.

«Себебі бұл жолда қар көшкіні қаупі әлі де жоғары болып тұр. Көлік жүргізушілерінен өз бағыттарын алдын ала жоспарлап алуды сұраймыз. Алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отырған жөн», — деп хабарлады ШҚО төтенше жағдайлар департаментінің баспасөз қызметі.

Еске салсақ, осыған дейін ШҚО таулы жерлерінде қар көшкіні қаупі жоғары болып тұрғаны хабарланған.

Ақтөбеде Төтенше жағдайлар министрлігінің қызметкерлері құдыққа құлап кеткен 64 жастағы ер адамды құтқарды, деп хабарлайды Azattyq Rýhy. 

Оқиға «Жаңақоныс-2» тұрғын алабында болған. 1960 жылы туған ер адам тереңдігі шамамен үш метр болатын ашық құдыққа түсіп кеткен. Ол өз күшімен шыға алмағандықтан, құтқарушылардың көмегіне жүгінген.

«Оқиға орнына жедел жеткен ТЖМ құтқарушылары құдық ішіне саты орнатып, ер адамның жоғарыға көтерілуіне көмектесті. Құтқарылған тұрғын өз үйіне жеткізілді», – делінген министрлік хабарламасында.

Қауіпті жағдайдың алдын алу үшін құдықтың беті жабылды.

Шет ауданында энергиямен жабдықтау жағдайына байланысты жергілікті ауқымдағы ТЖ режимі енгізілді, деп хабарлайды Қарағанды облысының әкімдігі.

Облыс әкімдігі атап өткендей, «Шет-Энерго» «Жезқазған электр тарату желісі компаниясы» АҚ-ның электр энергиясын беру жөніндегі талаптарын орындамайды.

«Осыған байланысты ауданда электр қуатын беруге шектеу қойылды. «Шет-Энерго» көп жыл бойы электр желілерін жаңғыртуға қаражат салған жоқ. Бұл энергиямен жабдықтаудың жүйелі іркілістеріне әкелді. Тұрғындар жиі өшірілуден зардап шегеді, тек жарықсыз ғана емес, жылусыз да қалады. Тұрақты ескертулерге қарамастан, «Шет-Энерго» қызметтерінің сапасы жақсармай тұр. Аудан әкімдігі электр энергиясын беруді қалпына келтіру үшін жергілікті ауқымдағы ТЖ режимін жариялады», — делінген хабарламада.

Әкімдік таратқан ақпаратқа сәйкес бұл қадам энергиямен жабдықтау саласында тәртіп орнатуға, сапалы қызметтерді қамтамасыз етуге бағытталған.

Осыған дейін Қарағанды облысында борышкерлерге несиелерін өтеуге көмектесетіні анықталды.

Түркияның соңғы ресми статистикасы елдің ірі қалаларында халықтың шамадан тыс көп екенін, ал кейбір аймақта адам мүлде жоқ екенін көрсетті, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

Шымкент қаласы мәслихатының шешіміне сәйкес, 8 наурыз — Халықаралық әйелдер күніне орай «Алтын» және «Күміс» алқа иегерлері, «Батыр ана» атағын алған, І және ІІ дәрежелі «Ана даңқы» ордендерімен наградталған аналарға 5 АЕК мөлшерінде бір реттік әлеуметтік төлем жасалады.

Бір реттік әлеуметтік төлем үшін көпбалалы аналардың тізімі «Азамттарға арналған үкімет» Мемлекеттік корпорциясы КЕАҚ базасынан алынады.

2025 жылдың 1 ақпандағы мәлімет бойынша Шымкент қаласында көпбалалы аналар саны — 67 741 құраған. Оның ішінде «Алтын алқа», «Күміс алқа» белгілерімен марапатталғандар саны — 13 805. Көп балалы, яғни 4-5 баласы бар аналар саны 53 936.

Айта кетейік, бұдан бұрын Шымкенттіктер сәбиге қандай есімдерді көп қоятынын жазған болатынбыз.

Батыс Қазақстан облысында полицейлер автокөлік ұрлаған адамды «ізін суытпай» қолға түсірді. Бұл туралы Bastaumedia.kz ақпараттық порталы Polisia.kz-ке сілтеме жасап хабарлайды.

«Қауіпсіз жол» жедел-профилактикалық іс-шарасы барысында Батыс Қазақстан облысы полиция департаментінің қызметкерлері автокөлікті айдап кету қылмысын жедел түрде ашып, күдіктіні ұстады.

Түнгі уақытта 43 жастағы жергілікті тұрғын полицияға хабарласып, Lada Kalina автокөлігінің ұрланғанын мәлімдеді. Ер адам дәмханаға тез арада кіріп шықпақ болып, көлігін оталып тұрған күйі ашық қалдырған. Осы сәтті пайдаланған қаскөй темір тұлпарды айдап әкеткен.

Полиция қызметкерлері бейнебақылау камераларының көмегімен көліктің бағытын анықтап, жедел іздестіру шараларын ұйымдастырды.

Алайда күдікті тәртіп сақшыларының заңды талаптарына бағынудан бас тартып, жол ережелерін өрескел бұзды. Ол бірнеше мәрте қарсы жолаққа шығып, бағдаршамның қызыл түсіне өтіп, маневр жасау ережелерін елемей, жол қозғалысына қауіп төндірді. Жалпы оның жеті бірдей әкімшілік құқық бұзушылық жасағаны анықталды.

Құқық қорғаушылардың жедел әрі үйлесімді әрекеттерінің нәтижесінде күдікті көп ұзамай қолға түсті. Тергеу барысында оның 27 жастағы азамат екені және бұрын телефон ұрлығы бойынша күдікке ілінгені белгілі болды.

Аталған факті бойынша автокөлікті айдап әкету бабы бойынша сотқа дейінгі тергеу амалдары басталды. Ұрланған көлік иесіне қайтарылды.