BASTAUMEDIA

«Қазгидромет» РМК алдағы үш күнге арналған ауа райы болжамын жариялады, деп хабарлайды Azattyq Rýhy-на сілтеме жасаған Bastaumedia.kz ақпараттық порталы.

Синоптиктердің болжамына сүйенсек, демалыс күндері циклонның батыс аймақтарға әсерімен және атмосфералық фронттардың өтуімен елдің көп бөлігінде қар жауады, ал оңтүстігінде, оңтүстік-шығысында жаңбыр мен қар түрінде жауын-шашын болады.

«Республиканың солтүстік-батысында 2 наурызда қатты қар жауады, оңтүстігінде 2-3 наурызда, елдің оңтүстік-шығысында 3 наурызда қатты жауын-шашын болады деп күтілуде. Республика бойынша тұман, көктайғақ, екпінді жел күтіледі.

Түнгі уақытта ауа температурасы батыста, солтүстік-батыста, солтүстікте -8-23°С, шығыста, орталықта -10-26°С, оңтүстікте -2-15°С, оңтүстік-шығыста -3-10°С, таулы аудандарда -12-20°С болады деп күтіліп отыр», — делінген «Қазгидромет» хабарламасында.

Қазақстанда телеарналар мен радиостанциялар хабар таратуын уақытша тоқтатады. Бұл жоспарлы профилактикалық жұмыстар жүргізуге байланысты. Бұл туралы ұлттық оператор «Қазтелерадио» хабарлады, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

«Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.

«2025 жылдың 5 наурыз айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз», — делінген «Қазтелерадио» хабарламасында.

«Отбасы банк» акционерлік қоғамының басқарма төрайымы Ләззат Ибрагимова Қазақстанда баспана алу кезінде қолма-қол ақшасыз есеп айырысуды енгізу тетігі пысықталып жатқанын айтты, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

Оның пайымынша, ҚҚС-тың ұлғаюы құрылыс бизнесіне түсетін салық жүктемесін реттеуге және компаниялардың жасанды түрде ұстақталуына тосқауыл қояды. Бұл тұрғыда құрылыс бизнесінің ашық болуына ерекше мән беріліп, алданған үлескерлер азаяды.

«Менің ойымша, қазір екі бастама өте маңызды. Біріншіден, тұрғын үй сатып алу кезінде қолма-қол ақшасыз есеп айырысуды ескеру керек. Бұл нарықты «көлеңкеден» шығаруға айтарлықтай ықпал етеді. Екіншіден, тұрғын үй сатып алу кезінде ҚҚС енгізу нарықтың ашық болуына әкеледі», — деді «Отбасы банк» басшысы Сенатта тілшілер сұрағына жауап бере отырып.

Бұдан бұрын хабарланғандай, «Отбасы банк» акционерлік қоғамының басқарма төрайымы Ләззат Ибрагимова Сенатта өтіп жатқан парламенттік тыңдауда «Наурыз жұмыскер» бағдарламасы қашан басталатынын айтты.

Елімізде жұмысы жоқ ретінде ресми тіркелген адам ғана «жұмыссыз» саналады. Еңбек және халықты еңбекпен қамту министрлігінің Халықты жұмыспен қамту департаменті тиісті сұрақтарға жауап берді, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

«2024 жылдың 4 тоқсанының қорытындысы бойынша ресми 448 мың жұмыссыз адам есепте тұр. Өңірлерге келсек, ең көп жұмыссыздық Түркістан облысы, Астана қаласы, Алматы қаласы тағы басқа өңірлер бар», — деп қысқа қайырды Еңбек және халықты еңбекпен қамту министрлігінің Халықты жұмыспен қамту департаментінің директоры Азиз Ибрагимов орталық коммуникациялар қызметі алаңында өткен баспасөз мәслихатында.

Оның айтуынша, елімізде жұмыссыз ретінде тіркелген азаматтардан бөлек, тіркелмей жұмыссыз жүрген азаматтар да бар.

Бұған дейін Еңбек вице-министріне БАҚ өкілдері неліктен Финляндия немесе Францияда жұмыссыздық деңгейі 8 пайыздан жоғары, ал бізде 4,6 пайыз Қазақстанда расымен жұмыссыздық деңгейі төмен бе деген сауал қойған болатын.

Былтыр елімізде 714 мың адам тұрақты жұмыспен қамтылған. Айта кетсек, 2031 жылға қарай елімізде 1,6 млн кадр қажет.

Рамазан айында сұранысы жоғары азық-түлік бағасы өсуі мүмкін бе? Бұл сұраққа ҚР Сауда және интеграция министрі  Арман Шаққалиев жауап берді, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

Бұған дейінгі жылдарға шолу жасасақ, мұндай кезеңдерде (Рамазан айында) сауда желілері тиісті акциялар өткізіп, бағаны төмендету туралы хабарлап, түрлі іс-шаралар ұйымдастырады. Оразаның өзі жақсылық пен мейірімділік мерекесі ретінде қабылданады. Сондықтан сауда желілерінде жұмыс істейтіндер қайырымдылық пен жан дүниесінің кеңдігін көрсетіп жатады, — деді А.Шаққалиев Парламент Мәжілісінде тілшілер сұрағына жауап бере отырып.

Осы орайда министр Рамазан айында еліміздің аумағында бағаны төмендетуге бағытталған акциялар болатынын атап өтті.

«Бұл тұрғыда осы кезеңде бағаның ауытқуы мен оразаны мүлдем байланыстырмаймыз», — деді ведомство басшысы.

Бұдан бұрын хабарланғандай, жақында Бас мүфти кәсіпкерлерді азық-түлік бағасына жеңілдік жасауға шақырды.