BASTAUMEDIA

Бәсекелестікті қорғау және дамыту агенттігі бәсекелестік деңгейін айқындау және тауар нарығына қолжетімді ету кезіндегі кедергілерін жоюға бағытталған шараларды әзірлеу мақсатында сымды (тіркелген) интернет қызметтері нарығындағы бәсекелестіктің жай-күйіне жоспарлы талдауды аяқтады, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

Қазіргі уақытта сымды интернет нарығы жоғары шоғырланған, мұнда жиынтық үстем жағдайға «Қазақтелеком» АҚ және «Кар-Тел» ЖШС (Beeline) ие.

Талдау барысында агенттік қызмет көрсету кезінде бөгде байланыс операторларының көппәтерлі тұрғын үйлерге кіруіне, сондай-ақ кабельдік кәріз желілеріне қосылудың техникалық шарттары туралы ақпарат алуды қиындататын кедергілерді анықтады.

«Егер бұл кедергілер шешілсе, тұтынушыларға интернет қызметтерінің баламалы операторын өз бетінше таңдауға мүмкіндік береді және кабельдік кәріз иелерінен өтеусіз негізде техникалық ақпарат ала алады.

Сондай-ақ анықталған кедергілерді жою бойынша тиісті ұсыныстар уәкілетті мемлекеттік органдарға жіберілді», — деп жазды агенттіктен.

Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы жарлыққа қол қойды, деп хабарлайды Ақорда.

Қазақстан Республикасы Конституциясының 44-бабының 5) тармақшасына сәйкес атом саласын одан әрі дамыту және ядролық қауіпсіздікті нығайту мақсатында ҚАУЛЫ ЕТЕМІН:

1. Қазақстан Республикасы Энергетика министрлігінің уран өндіру бөлігінде жер қойнауын пайдалану, атом энергиясын пайдалану, халықтың радиациялық қауіпсіздігін қамтамасыз ету, Семей ядролық қауіпсіздік аймағын құру және оның жұмыс істеуі салаларындағы функцияларын және өкілеттіктерін бере отырып, Қазақстан Республикасының Президентіне тікелей бағынатын және есеп беретін мемлекеттік орган ретінде Қазақстан Республикасының Атом энергиясы жөніндегі агенттігі (бұдан әрі – Агенттік) құрылсын.

2. Агенттік берілетін функциялар мен өкілеттіктер шегінде Қазақстан Республикасы Энергетика министрлігінің құқықтары мен міндеттемелерінің құқықтық мирасқоры болып айқындалсын.

3. «Қазақстан Республикасы Президентінің Әкімшілігі туралы ережені бекіту туралы» Қазақстан Республикасы Президентінің 2008 жылғы 11 наурыздағы № 552 Жарлығына мынадай толықтыру енгізілсін:

жоғарыда аталған Жарлықпен бекітілген Қазақстан Республикасының Президентіне тікелей бағынатын және есеп беретін мемлекеттік органдардың тізбесінде мынадай мазмұндағы жолмен толықтырылсын:

«Қазақстан Республикасының Атом энергиясы жөніндегі агенттігі».

4. Қазақстан Республикасы Президентінің Әкімшілігі:

1) Қазақстан Республикасы Президентінің қарауына:

Агенттік төрағасымен бірлесіп Агенттік туралы ереженің және оның құрылымының жобаларын;

Қазақстан Республикасының Үкіметімен бірлесіп Қазақстан Республикасының Энергетика министрлігінен және тиісті ведомстволық бағынысты ұйымдардан штат санын Агенттікке қайта бөлу жөніндегі ұсыныстарды енгізсін;

2) осы Жарлықты іске асыру жөнінде өзге де шараларды қабылдасын.

5. Қазақстан Республикасының Үкіметі:

1) Қазақстан Республикасы Президенті Әкімшілігінің келісуі бойынша Қазақстан Республикасы Энергетика министрлігінің және тиісті ведомстволық бағынысты ұйымдардың штат санын қайта бөлуді;

2) осы Жарлықты іске асыру жөнінде өзге де шаралардың қабылдануын қамтамасыз етсін.

6. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

7. Осы Жарлық қол қойылған күнінен бастап қолданысқа енгізіледі.

Айта кетелік бүгін Мемлекет басшысы Қауіпсіздік Кеңесінің отырысын өткізген еді.

Биыл елордада мемлекеттік қажеттілік үшін 264 жер учаскесі алынады. Бұл жерлерге 35 әлеуметтік нысан салу жоспарланып отыр, деп хабарлайды ҚазАқпаратқа сілтеме жасаған Bastaumedia.kz ақпараттық порталы.

Бұған дейін қалалық мәслихат отырысына 1 млрд 260 млн теңге сомасына жалпы ауданы 15 гектар 16 нысан бойынша 58 жер учаскесін сатып алу жөніндегі шарттың жобасы шығарылған еді.

Қалған 206 учаске бойынша бүгінде бағалау және келісу процедурасы жүргізіліп жатыр. Әкімдіктің атап өтуінше, кейбір учаске иелері шарттармен танысты. Алайда 15 меншік иесі сатып алу құнымен келіспей отыр. Мәселе алдағы уақытта сотта шешілмек.

«Мемлекет қажеттілігі үшін алынатын жер учаскесі мен онда тұрған нысан үшін меншік иесіне немесе мемлекеттік емес жерді пайдаланушыға нарықтық құны бойынша теңдей құн өтеледі. Жер учаскесінің нарықтық құнын «ҚР Мемлекеттік сатып алу туралы» заңның 13-бабына сәйкес жарияланған ашық байқау жеңімпазы саналатын тәуелсіз бағалаушы айқындайды», — деп түсіндірді әкімдіктен агенттіктің ресми сауалына орай.

Сонымен қатар елорда әкімдігі мемлекет қажеттілігіне алынатын жерлерге салынатын 35 әлеуметтік нысанды атады:

1. А.Иманов көшесінен Бөгенбай батыр даңғылына дейін Асан қайғы көшесі құрылысы;

2. Қорғалжың тас жолында дарынды балаларға арналған республикалық мектеп-интернет құрылысы;

3. Потанин мен Керегетас көшелері қиылысы ауданындағы мектеп құрылысы;

4. Қабанбай батыр даңғылы мен Бұқар жырау көшесі қиылысындағы мектеп құрылысы;

5. Ақан сері мен СФЛ-2 (жобалық атауы) қиылысындағы балабақша құрылысы;

6. А.Тоқпанов көшесіндегі мектеп құрылысы;

7. Ж.Нәжімеденов пен С.Нұрмағамбетов көшелері қиылысы ауданындағы балабақша құрылысы;

8. Ш.Қалдаяқов пен С.Нұрмағамбетов көшесі қиылысы ауданындағы балабақша құрылысы;

9. Еңлік-Кебек пен Ақан сері көшелері қиылысы ауданындағы көпбейінді аурухана құрылысы;

10.Ш.Уәлиханов көшесіндегі №24 ауданын абаттандыру;

11. Ш.Уәлиханов пен С.Сейфуллин көшелері қиылысы ауданын абаттандыру;

12. С.Жүнісов пен Ш.Жиенқұлова көшелері қиылысы ауданындағы гүлзар құрылысы;

13. Достық көшесі бойында орналасқан саябақ құрылысы, №9 үй ауданы; 14.Жамбыл көшесінде қоғамдық кеңістікті абаттандыру, №8 үй ауданы;

15. Ш.Жиенқұлова көшесінен Асан қайғы көшесіне дейінгі учаскеде Биші қайың көшесі құрылысы;

16. Биші қайың көшесінен Ә.Жангелдин көшесіне дейінгі учаскеде Сырдария көшесі құрылысы (1 кезек);

17. Алаш тас жолынан Абыралы көшесіне дейін Ш.Жиенқұлова көшесі құрылысы;

18. С.Сейфуллин көшесінен Ә.Жангелдин көшесіне дейінгі учаскеде Сырдария көшесі құрылысы (2 кезек);

19. Керей-Жәнібек хандар көшесіне Ұлы дала даңғылына дейін (1 учаске) 37 көше (жобалық атауы) құрылысы;

20. V-учаске кіші айналма жолы құрылысы (Тілендиев даңғылынан Конституция көшесіне дейін Бейсекова көшесі бойымен);

21. №38 көшеден Абылай хан даңғылына дейінгі учаскеде Хусейн бен Талал көшесі құрылысы;

22. №12 көшеден Ш.Қалдаяқов көшесіне дейін орналасқан Л.Мирзоян көөшесі құрылысы;

23. А.Байтұрсынұлы мен Ж.Нәжімеденов орамындағы А50 және А51 көшелері құрылысы;

24. А20 көшесі (жобалық атауы) ауданында орамішілік жолдар мен инженерлік желілер құрылысы;

25. Керей-Жәнібек хандар мен Орал көшелері қиылысы ауданында «ҚР Жоғары аудиторлық палатасы ғимараты» құрылысы;

26. Алаш тас жолында, 28/3 учаскеде орналасқан ТМ-14 салу;

27. Мақатаев пен Космонавтов көшелері аудында мемлекеттік саяжай аумағын абаттандыру үшін кеңейту;

28. ТМ-40 көшесі ауданында шағын тарату стансасы құрылысы;

29. Республика даңғылы бойындағы №6 үй ауданын абаттандыру;

30. Қарқаралы тас жолы ауданында орналасқан Астана қаласының «Олимпиадалық дайындық орталығы» көпбейінді спорт кешені базасында Ұлттық спорт университеті құрылысы;

31. №48, №69, А106 және А108 көшелері орамында Ә.Марғұлан атындағы Археология институтының жаңа кешені құрылысы;

32. Мәңгілік ел даңғылы мен Сығанақ көшесі қиылысы ауданындағы көше құрылысы;

33. Республика даңғылы мен Гете көшесі қиылысы ауданында орналасқан жапсарлас тұрғын-жайы мен паркингі бар көппәтерлі тұрғын үй кешені құрылысы;

34. Ш.Айтматов көшесі мен Қорғалжың тас жолы қиылысы ауданында әкімшілік ғимарат құрылысы (аудандық полиция бөлімі);

35. Ш.Айтматов көшесі мен Қорғалжың тас жолы қиылысы ауданында әкімшілік ғимарат құрылысы (Полиция полкі).

Астана әкімі Жеңіс Қасымбек Instagram парақшасында құрылыс компанияларына қойылатын талаптар туралы жазған болатын.