«Кіші Алматы» өзенінің бассейніндегі үш шыңнан ҚР ТЖМ «Қазселденқорғау» мекемесінің мамандары жасанды жолмен қар көшкінін түсірді, деп хабарлайды ҚазАқпаратқа сілтеме жасаған Bastaumedia.kz ақпараттық порталы.
Бұл жұмыстар «Шымбұлақ» тау-шаңғы курортының аумағында демалушылар мен туристердің қауіпсіздігін қамтамасыз ету мақсатында жүргізілді.
«Барлығы 20 000 текше метр қар түсірілді, осылайша қар көшкінінің өздігінен түсу қаупі айтарлықтай төмендеді. Осы жылдың басынан бері Алматы тауларында қар көшкінінің 17 профилактикалық түсуі жүргізілді», — деп хабарлады ТЖМ.
Еске салайық, бұған дейін Алматыда қар көшкіні салдарынан бір адам қаза тауып, екі адам жарақат алғанын жазғанбыз. Одан кейін Шымбұлақта жасанды жолмен қар көшкіні түсірілді.