Америкалық миллиардер Илон Маск өзінің X әлеуметтік желісінде АҚШ үкіметі қаржыландыратын «Радио Свобода» және «Голос Америки» радиоларын енді ешкім тыңдамайтынын жазды, деп хабарлайды ҚазАқпаратқа сілтеме жасаған Bastaumedia.kz ақпараттық порталы.
Ол сондай-ақ бұл ақпарат құралдарында «Жылына АҚШ салық төлеушілерінің 1 миллиард доллар ақшасын жалмап, өз-өзімен сөйлесетін радикал солшылдар» жұмыс істейтінін айтты.
Илон Маск өзінің жазбасын АҚШ президентінің арнайы тапсырмалар жөніндегі арнайы өкілі, Ұлттық барлаудың бұрынғы директоры Ричард Гренеллдің X әлеуметтік желісіндегі жазбасына жауап ретінде жариялады.
«Свободная Европа» және «Голос Америки» радиосы – америкалық салық төлеушілер қаржыландыратын ақпарат құралдары. Бұл – мемлекеттік ақпарат құралдары. Бұл ақпарат құралдары әсіре солшыл белсенділерге толы. Мен бұл тілшілермен ондаған жылдар бойы жұмыс істеп келемін. Бұл – өткен нәрсе», — деп жазды Ричард Гренелл.